2016 جىلعى 11 مامىر, استانا, ۇكىمەت ءۇيى
يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ قاعيدالارىن بەكىتۋ تۋرالى
«اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى قازاقستان رەسپۋبليكاسىنىڭ زاڭى 5-بابىنىڭ 5) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ
2016 جىلعى 11 مامىرداعى №284 قاۋلىسىمەن بەكىتىلگەن
يادرولىق, رادياتسيالىق جانە يادرولىق فيزيكالىق
قاۋىپسىزدىك ساراپتاماسىن جۇرگىزۋ قاعيدالارى
1. جالپى ەرەجەلەر
1. وسى يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ قاعيدالارى (بۇدان ءىرى - قاعيدالار) «اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى قازاقستان رەسپۋبليكاسىنىڭ زاڭى (بۇدان ءارى - زاڭ) 5-بابىنىڭ 5) تارماقشاسىنا سايكەس ازىرلەندى جانە يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن (بۇدان ءارى - ساراپتاما) جۇرگىزۋ ءتارتىبىن بەلگىلەيدى.
2. ساراپتامانى قارجىلاندىرۋ پايدالانۋشى ۇيىمنىڭ نەمەسە اتوم ەنەرگياسى پايدالانىلاتىن وبەكتىلەردى پايدالانۋدى جۇزەگە اسىراتىن جەكە تۇلعانىڭ قاراجاتىنان نەمەسە قازاقستان رەسپۋبليكاسىنىڭ زاڭناماسىندا تىيىم سالىنباعان باسقا دا كوزدەردەن جۇزەگە اسىرىلادى.
2. يادرولىق, رادياتسيالىق جانە يادرولىق فيزيكالىق
قاۋىپسىزدىك ساراپتاماسىن جۇرگىزۋ ءتارتىبى
3. ساراپتامانى قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىندا بەلگىلەنگەن تارتىپپەن قىزمەتتىڭ وسى ءتۇرىن جۇزەگە اسىرۋعا اتوم ەنەرگياسىن پايدالانۋ سالاسىنداعى ۋاكىلەتتى ورگاندا (بۇدان ءارى - ۋاكىلەتتى ورگان) اككرەديتتەلگەن ۇيىمدار (بۇدان ءارى - اككرەديتتەلگەن ۇيىم) جۇرگىزەدى.
4. ساراپتاما وبەكتىلەرى:
1) يادرولىق قوندىرعىلاردى, رادياتسيالىق قاۋىپتىلىگى 1 جانە 2-ساناتتاعى رادياتسيالىق جانە ەلەكتروفيزيكالىق قوندىرعىلاردى ورنالاستىرۋ جانە سالۋ الاڭدارىن تاڭداۋ جونىندەگى جوبالاۋ قۇجاتتاماسى;
2) يادرولىق قوندىرعىلاردى, رادياتسيالىق قاۋىپتىلىگى 1 جانە 2-ساناتگاگى رادياتسيالىق جانە ەلەكتروفيزيكالىق قوندىرعىلاردى, كولىكتىك قاپتاما كومپلەكتىلەرىن جوبالاۋ جانە پايدالانۋ قۇجاتتاماسى;
3) يادرولىق قوندىرعىلاردى, رادياتسيالىق قاۋىپتىلىگى 1 جانە 2-ساناتتاعى رادياتسيالىق جانە ەلەكتروفيزيكالىق قوندىرعىلاردى, كولىكتىك قاپتاما كومپلەكتىلەرىن تەحنيكالىق جاڭعىرتۋعا ارنالعان جوبالىق قۇجاتتاما;
4) يادرولىق قوندىرعىلاردى, رادياتسيالىق قاۋىپتىلىگى 1 جانە 2-ساناتتاعى رادياتسيالىق جانە ەلەكتروفيزيكالىق قوندىرعىلاردى, كولىكتىك قاپتاما كومپلەكتىلەرىن پايدالانۋدان شىعارۋ جونىندەگى جوبالاۋ جانە پايدالانۋ قۇجاتتاماسى بولىپ تابىلادى.
5. ساراپتامانى جۇرگىزۋ مەرزىمدىلىگى - ءۇش جىلدا ءبىر رەت.
6. پايدالانۋشى ۇيىم نەمەسە اتوم ەنەرگياسىن پايدالانۋ وبەكتىلەرىن پايدالانۋدى جۇزەگە اسىراتىن جەكە تۇلعا (بۇدان ءارى - ءوتىنىش بەرۋشى) اككرەديتتەلگەن ۇيىمعا ساراپتاما جۇرگىزۋگە ءوتىنىم جىبەرەدى.
7. جوبالاۋ جانە پايدالانۋ قۇجاتتاماسى قاعاز جانە ەلەكتروندى جەتكىزگىشتەردە بەرىلەدى.
8. ساراپتامانى جۇزەگە اسىراتىن اككرەديتتەلگەن ۇيىمداردىڭ باسشىلارى:
1) ساراپتاما جۇرگىزۋ ءۇشىن ساراپشىلار قۇرامىن ايقىندايدى, قاجەت بولعان جاعدايدا وتاندىق جانە شەتەلدىك مامانداردى تارتادى. ءبۇل رەتتە زاڭنىڭ 24-بابىنىڭ 3-تارماعىندا كورسەتىلگەن ادامدار ساراپشىلار بولا المايدى;
2) ساراپتاما قورىتىندىسىنا قول قويادى.
9. ساراپتاما جۇرگىزۋ مەرزىمى اككرەديتتەلگەن ۇيىم ءوتىنىمدى العان كۇننەن باستاپ ءۇش ايدان اسپاۋى ءتيىس.
10. اككرەديتتەلگەن ۇيىمدار ساراپتاما جۇرگىزۋ كەزىندە ۋاكىلەتتى ورگانمەن كەلىسىلگەن ەسەپ-قيساپ ادىستەمەلەرىن قولدانادى.
11. اككرەديتتەلگەن ۇيىم ساراپتاما جۇرگىزۋ ناتيجەلەرى بويىنشا جۇرگىزىلگەن ساراپتامانىڭ نىساناسى مەن وبەكتىسى تۋرالى اقپاراتتى, ءوتىنىش بەرۋشى كوزدەپ وتىرعان نەمەسە جۇرگىزىپ جاتقان قىزمەتتىڭ قاۋىپسىزدىگىن قامتاماسىز ەتۋ جونىندەگى ۇسىنىمداردى, ساراپتاما وبەكتىسىن ىسكە اسىرۋ جونىندە شەشىم قابىلداۋعا جول بەرىلەتىنى جانە مۇمكىن ەكەنى تۋرالى تۇجىرىمدى قامتيتىن قورىتىندى بەرەدى.
12. يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ ناتيجەلەرى بويىنشا ساراپتاما وبەكتىسىن ىسكە اسىرۋ جونىندە شەشىم قابىلداۋعا جول بەرىلەتىنى جانە مۇمكىن ەكەنى تۋرالى قورىتىندى بەرىلەدى.
13. ساراپتامانىڭ تەرىس قورىتىندىسى بەرىلگەن جاعدايدا ءوتىنىش بەرۋشى ەسكەرتۋلەردى جويادى جانە جوبالاۋ مەن پايدالانۋ قۇجاتتاماسىن ساراپتاما جۇرگىزۋ ءۇشىن قايتا جىبەرەدى. اككرەديتتەلگەن ۇيىم قايتا ساراپتامانى باستاپقى (بۇرىن جوبالاۋ مەن پايدالانۋ قۇجاتتاماسىنىڭ ساراپتاماسىن جۇزەگە اسىرعان) قۇرامدا جۇرگىزەدى. قايتا ساراپتاما جۇرگىزۋ مەرزىمى اككرەديتتەلگەن ۇيىم ءوتىنىمدى العان كۇننەن باستاپ ءبىر ايدان اسپاۋى ءتيىس.